As balsas mineiras estarían en zona de policía do cauce da Regueira e estarían vertendo residuos ao cauce do rego A Regueira, afluente do Río Maruzo, á veiga do Río Maruzo e ao Rego Gaiteiro.
Á vista da posible rotura de balsas mineiras que está a causar estragos na chaira de inundación ou veiga do Río Maruzo e do Río Gaiteiro e nos respectivos cauces, leitos protexidos por formar parte do espazo Rede Natura 2000 Río Tambre, Petón dO lobo e Ecoloxistas en acción Galiza procederon a presentar a denuncia dos feitos.
As asociacións solicitan que se proceda a drenar as balsas mineiras e á correspondente eliminación destas, posto que se ubican na zona de policía do Rego da Regueira, afluente do Río Maruzo e do Rego innominado afluente do Río Gaiteiro. A tal efecto deberíase proceder á paralización inmediata da actividade mineira desarrollada pola empresa promotora e ao precintado das balsas e á correspondente clausura e peche da explotación, posto que non se garante a non afección aos recursos hídricos, aos chans, ás paraxes ribeiregas, a chaira de inundación dos leitos e á Rede Natura 2000.
Asemade, se pide que se valoren as afeccións aos cauces protexidos, as respectivas veigas e ribeiras e por tanto, as afeccións á Rede Natura 2000, e que se proceda a execución da fianza ou aval da empresa titular en orde á reparación dos danos causados de ser o caso. Neste sentido, as asociacións consideran que debería levarse a cabo a incoación do correspondente procedemento sancionador pola falla de dilixencia debida en relación á seguridade das balsas e á súa inidónea localización, na zona de policía de cauces.
Por último, ambas asociacións piden acceso ao Plan de vixiancia ambiental das balsas mineiras da empresa Erimsa - Explotación de Rocas Industriales y Minerales S.A., acceso á autorización administrativa que permitiu a instalación das balsas mineiras indicadas na zona de policía dos cursos fluviais indicados, e acceso ao informe ambiental/ declaración de impacto ambiental na que se basea a actividade mineira desarrollada na zona e aos condicionamentos ambientais desta actividade.